Талғарлық мектеп оқушыларымен акция өтті

5 желтоқсан 2019 жыл

Алматы облыстық ЖИТС-тың алдын алу және оған қарсы күрес орталығы Талғар аудандық жастар денсаулық орталығымен бірлесіп Талғар қалалық орта мектеп оқушылары арасында акция өткізді.

Облыстық ЖИТС орталығы алдын-алу бөлімінің маманы О.Потуданская Дүниежүзілік ЖИТС-ке қарсы акцияның мақсаттарын айтып, «АИТВ және ЖИТС» ұғымын түсіндірді.

Талқылау барысында оқушылар АИТВ-ның берілу жолдарын білді, әр адамның жауапкершілікті мінез-құлқы АИТВ-ның алдын-алу нысаны екенін ұқты.

Кездесу барысында балалар өз пікірлерін білдіріп, пікірталастарға белсенді қатысты. Кездесу соңында тыңдаушылар АИТВ жұқпасы бар адамдардың емі мен өміріне қатысты қызықты сұрақтар қойды.