Алматы облысында коронавирустық инфекцияның таралуын болдырмау шаралары туралы
13 қыркүйек 2021ж. Орталық коммуникациялар қызметінің алаңында «Алматы облысында коронавирустық инфекцияның таралуын болдырмау шаралары туралы» онлайн -баспасөз конференциясы өтті.
Баяндамашылар: Алматы облысы әкімінің орынбасары Батыржан Байжұманов, Алматы облысының бас мемлекеттік санитарлық дәрігері Ерғали Сыдыманов, Алматы облысы Денсаулық сақтау басқармасы бастығының орынбасары Арман Жансеңгіров.
2021 жылдың 1 қаңтарынан 2021 жылдың 12 қыркүйегіне дейін Алматы облысында COVID-19-ның зертханалық расталған 47 082 жағдайы тіркелді, халықтың 100 мыңына шаққандағы көрсеткіш 2202,8.
Соңғы аптада (6 қыркүйектен 12 қыркүйекке дейін), алдыңғы аптаға қарағанда (30 тамыздан 5 қыркүйекке дейін) сырқаттанушылықтың 5% төмендеуі байқалды (2152 -ден 2046 жағдайға дейін).
Соңғы 7 күн ішінде 100 мың тұрғынға шаққанда аурушаңдық коэффициенті 94,4, репродуктивті саны Rt 0,95 құрады.
Эпидемиологиялық жағдайды бағалау матрицасы бойынша Алматы облысы қызыл аймақта.
Өткен тәулікте 218 жағдай тіркелді.