24 қараша 2022ж. Еңбекшіқазақ көпсалалы ауданаралық ауруханасында келушілер үшін АИТВ жұқпасының алдын алу бойынша Ашық есік күні өткізілді.
Алматы облыстық ЖИТС-тің алдын алу және оған қарсы күрес орталығының мамандары бұл шараны 1 желтоқсан – Дүниежүзілік ЖИТС-пен күрес күініне орайластырып, ауданның инфекционист, нарколог, гинеколог дәрігерлерімен бірлесе ұйымдастырды.
Дәрігерлер 70-ке жуық адамның жалпы денсаулығын тексеріп, ақыл-кеңестерін берсе, жұқпалы аурулар кабинеті медбикесі К.Батырбекова 56 адамға АИТВ жұқпасына жедел тестілеу жасады. 576 дана мүшеқап, 200 дана ақпараттық-оқыту құралдары таратылды.