Дүниежүзілік ЖИТС-ке қарсы күрес күні қарсаңында Алматы облыстық ЖИТС-ның алдын алу және оған қарсы күрес орталығы аудандық алғашқы медициналық-санитарлық көмек ұйымдарының жанындағы жастар денсаулық орталықтарының мамандарымен бірлесе отырып, жастар арасында АИТВ инфекциясының алдын алуға бағытталған бірқатар ақпараттық-түсіндіру іс-шараларын өткізуде. Аталған кездесулер бағдарламасына АИТВ мәселелерімен қатар, жыныстық жолмен берілетін инфекциялардың алдын алу, сондай-ақ жасөспірімдердің психикалық және репродуктивтік денсаулығы тақырыптары енгізілді.
Іс-шаралардың мақсаты — жастар арасында АИТВ инфекциясының алдын алу, АИТВ және өзге де жұқпалы аурулар туралы сенімді әрі саналы түсінік қалыптастыру, сондай-ақ өз денсаулығына жауапкершілікпен қарау мәдениетін дамыту.
Ерекше назар облыстың шалғай аудандарына аударылып отыр, мұндай кездесулер жастардың білімін кеңейтуге және өз денсаулығына саналы көзқарасты қалыптастыруға ықпал етеді.
2025 жылғы 3 қарашада Алматы облысының шалғай орналасқан Райымбек ауданында бірнеше ауылды қамтыған семинарлар өтті. Семинарлар 8–11-сынып оқушыларына арналған және Т. Жанұзақов, О. Жандосов, Б. Соқпақбаев (гимназия) және Қ. Шорманов атындағы мектептерде «Жастар – денсаулық пен АИТВ-сыз болашақ үшін» тақырыбында ұйымдастырылды.
Семинар аудандық білім бөлімінің әдіскері Г. Кенесованың бастамасымен және Алматы облыстық ЖИТС орталығының эпидемиолог маманы Н. Касымовтың, Райымбек аудандық орталық ауруханасының дәрігерлері — акушер-гинеколог Б. Сейдахметова, психиатр-нарколог А. Турлыбай және салауатты өмір салтын қалыптастыру маманы С. Күккузованың қатысуымен өтті.
Мамандардың айтуынша, АИТВ мен жыныстық жолмен берілетін инфекциялардың алдын алу әсіресе жасөспірімдер мен жастар арасында маңызды, өйткені дәл осы жаста өмірлік құндылықтар мен мінез-құлық модельдері қалыптасады, өз денсаулығына деген көзқарас орнығады.
Уақтылы ақпарат беру жұқпа қаупін азайтуға, медициналық қызметтерге деген сенімді арттыруға және репродуктивтік пен психикалық саулыққа жауапкершілікпен қарауды қалыптастыруға көмектеседі.
Өткізілген кездесулер денсаулық сақтау жүйесі мен білім беру ұйымдарының серіктестігін нығайтуға, жасөспірімдердің АИТВ және ЖЖБИ қаупі туралы хабардарлығын арттыруға, сондай-ақ педагогтар мен медицина қызметкерлерінің жастармен денсаулық және қауіпсіз мінез-құлық тақырыптарында тиімді қарым-қатынас орнату дағдыларын дамытуға ықпал етеді. Іс-шара қатысушылары мұндай кездесулердің тәжірибелік маңызын атап өтіп, мектептер мен колледждердегі профилактикалық бағдарламалар аясында ынтымақтастықты жалғастыруға дайын екендіктерін білдірді.
